विराटनगर । मोरङको बूढीगंगा गाउँपालिकामा पिकअपको ठक्करबाट पाँच वर्षीय बालकको मृत्यु भएको छ ।
बूढीगंगा–४, पशुपति टोलमा शुक्रबार दिउँसो भएको दुर्घटनामा पाँच वर्षीय बालक शम्भु पौडेललाई ठक्कर दिएको थियो ।
प्रहरीका अनुसार दक्षिणबाट उत्तरतर्फ गइरहेको प्र १–०२–००२ च ४६६५ नम्बरको पिकअप गाडीले सडक पार गर्दै गरेका उनलाई ठक्कर दिएको थियो ।
सबहरी पौडेलका छोरा शम्भुलाई दिउँसो करिब ४ बजे भएको ठक्कर दिँदा गम्भीर घाइते बनेका थिए ।
उनलाई तत्काल उपचारका लागि विराट शिक्षण अस्पताल लगिएको थियो । तर, अस्पताल पुर्याएको केही समयमै चिकित्सकले मृत घोषणा गरेको जिल्ला प्रहरी कार्यालय मोरङले जनाएको छ ।
दुर्घटनामा संलग्न गाडी र चालकलाई प्रहरीले नियन्त्रणमा लिएको छ । चालक सुनसरीको दुहबी नगरपालिका–११ का २७ वर्षीय दीपनारायण ऋषिदेवलाई पक्राउ गरिएको प्रहरी कार्यालय मोरङले जानकारी दिएको छ ।
