विराटनगर । विराटनगर महानगरपालिका-१९ घिनाघाटमा शुक्रबार साँझ मोटरसाइकल दुर्घटना हुँदा दुई जना घाइते भएका छन् ।
विराटचोक-विराटनगर सडकखण्डअन्तर्गत घिनाघाटमा आज साँझ ७:४० बजेतिर को ६ प ३२७४ नम्बरको मोटरसाइकलले पैदलयात्रीलाई ठक्कर दिएको थियो ।
पूर्वबाट पश्चिमतर्फ गइरहेको मोटरसाइकलले पैदलयात्री बूढीगंगा गाउँपालिका-१ का ३७ वर्षीय रमेश कट्टेल सामान्य घाइते भएका छ्न् ।
यस्तै, मोटरसाइकल चालक ग्रामथान गाउँपालिका-३ भौसाबारीका ४१ वर्षीय श्यामलाल चौधरी पनि घाइते भएका छन् ।
उनीहरूको विराट मेडिकल टिचिङ हस्पिटलमा उपचार भइरहेको प्रहरीले जनाएको छ ।
