गृहमन्त्रालयले ललितपुरस्थित नख्खु कारागारका जेलरको सरुवा गरेको छ ।
मन्त्रालयले बुधबार गरेको निर्णय अनुसार नख्खु कारागारका जेलर भीम राज कोइरालालाई जिल्ला प्रशासन कार्यालय डोल्पा पठाइएको छ ।
नख्खु कारागारमा रास्वपाका सभापति रवि लामिछानेलाई ल्याइएको हप्ता दिन बित्न नपाउँदै जेलर फेरिएको हो । सहकारी घोटाला प्रकरणमा थुनामा रहेका रविलाई गत शनिबार रूपन्देही कारागारबाट नख्खु ल्याइएको थियो ।
