भारतले आफ्नो पहिलो अन्तरमहाद्वीपीय ब्यालिस्टिक मिसाइल अग्नि–५ को सफल परीक्षण गरेको छ। बुधवार ओडिशाको चान्दीपुरस्थित इन्टिग्रेटेड टेस्ट रेन्जमा यसको परीक्षण सम्पन्न भएको हो।
यो मिसाइल मल्टिपल इन्डिपेन्डेन्टली टार्गेटेबल री–एण्ट्री भेइकल प्रविधिमा आधारित छ। यसको अर्थ यसलाई एकैपटक धेरै लक्ष्यतर्फ हान्न सकिन्छ। अग्नि–५ को पहिलो परीक्षण अप्रिल २०१२ मा गरिएको थियो।
यसको दायरा ५००० किलोमिटर रहेको छ। यस मिसाइलले पाकिस्तान, चीन, टर्की लगायतका देशसम्म प्रहार गर्न सक्छ।
२९ हजार ४०१ किलोमिटर प्रतिघण्टाको गति
अग्नि–५ भारतको पहिलो र एकमात्रै अन्तरमहाद्वीपीय ब्यालिस्टिक मिसाइल हो। जसलाई रक्षा अनुसन्धान तथा विकास संगठन ९डीआरडीओ० ले बनाएको हो। यो भारतसँग रहेको लामो दूरीको मिसाइलहरूमध्ये एक हो।
मिसाइलको दायरा ५००० किलोमिटर छ। यसले एकैपटक धेरै हतियार बोक्न सक्छ। यो मिसाइल डेढ टनसम्मको आणविक हतियार बोकेर प्रहार गर्न सक्षम रहेको भारतीय रक्षा मन्त्रालयले जनाएको छ। यसको गति म्याक २४ छ, अर्थात् आवाजको गतिभन्दा २४ गुणा बढी। प्रयोग गर्न सजिलो भएकाले देशको जुनसुकै ठाउँमा तैनाथ गर्न सकिने भारतीय सेनाले जनाएको छ ।
