अमेरिका पलायन भएका नायक जीवन लुइटेलले ७ वर्षपछि ठूलो पर्दामा कमब्याक गर्ने भएका छन् ।
कान्तिपुर फिल्म एकेडेमीले निर्माण गर्न लागेको फिल्म ‘सकम्बरी’बाट जीवनले कमब्याक गर्ने भएका छन् ।
उनीसँग काजगी सम्झौता भइसकेको निर्माण पक्षले बताएको छ ।
जीवन कान्तिपुर फिल्म एकेडेमीमै मञ्चन भएको नाटक ‘शिरिषको फूल’मा अभिनय गर्न नेपाल आएका थिए ।
यही मौकामा उनले फिल्म साइन गरेका हुन् ।
उनले फिल्ममा पनि नाटक निर्वाह गरेको पात्र ‘सुयोगवीर’कै भूमिका निर्वाह गर्ने बताइएको छ ।
‘सकम्बरी’मा अर्का नायक अपर्ण थापा पनि अनुबन्ध भएका छन् । उनी भने ‘शिवराज’को भूमिकाका लागि तय भएका हुन् ।
यो फिल्मको छायाङ्कन तिहारपछि हुने बताइएको छ ।
यो फिल्म ‘शिरिषको फूल’को पात्रबाट प्रभावित भए पनि कथा भने फरक रहेकाे एकेडेमीले बताएको छ ।
पछिल्लो आठ वर्ष यता जीवन अमेरिकामा बस्दै आएका छन् । उनी भटाभट फिल्म साइन गरिरहेकै बेला अमेरिका पलायन भएका थिए ।
नेपाल फर्किएसँगै ठूलो पर्दामा उनको कमब्याको चर्चा चलेको थियो । अन्तत: उनले फिल्म साइन गरेका छन् ।
