विराटनगर । चर्चित पत्रकार जगदीश खरेल एक अन्तर्वार्ताको अन्त्यमा भावुक बनेको विषय अहिले चर्चामा छ ।
उनी टेलिभिजन कार्यक्रम हटसिटमा युवा सांसद सुहाङ नेम्वाङसँग देशको समसामयिक राजनीतिक विषय, जीवन, दर्शन जस्ता विषयमा गरिएको कुराकानीपछि भावुक बनेका हुन् ।
सांसद सुहाङ नेम्वाङ स्वर्गीय नेता सुवास नेम्वाङका सुपुत्र हुन् । सुहाङ पार्टीले एमालेका नेता भए पनि उनको शालीनता , अनुशासन र कार्यशैलीका कारण सबै पार्टीका युवाहरूमाझ रुचाइएका नेतामा पर्छन् ।
उनीसँगको अन्तर्वार्तामा खरेलले भनेका छन्, ‘महत्वपूर्ण समय दिनुभो माननीयज्यू, एकदमै खुशि लाग्यो आज हामीले चाहिँ आशाका कुराहरू गर्यौँ, केही देश बन्न सक्छन् कि बनाउन सकिन्छकी भनेर अन्तरंग कुराकानी गर्यौँ । तपाईँले आफ्नो जीवनको जे लक्ष्य राख्नुभएको छ र नेताकोरूपमा र व्यक्तिगतरुपमा गन्तब्य यहाँ पुग्ने भनेर सोच राख्नुभएको छ, त्यो पुरा होस्।’
सुहाङलाई शुभकामना दिँदै पत्रकार खरेल भावुक बनेका थिए ।
