विराटनगर । मोरङ पथरीशनिश्चरे नगरपालिपका-१ गोरखा डिपार्टमेन्टअगाडि बिहीबार साँझ ट्रकको ठक्करबाट महिलाको मृत्यु भएको छ ।
पूर्व-पश्चिम राजमार्गमा उर्लाबारीबाट बेलबरीतर्फ आउँदै गरेको को १ क ९७५१ नम्बरको सेतो रङको ट्रकले पैदल यात्रीलाई ठक्कर दिएको थियो ।
ट्रकको ठक्करबाट अन्दाजी ३५ वर्षीया महिला गम्भीर घाइते भएकी थिइन् । उनलाई उपचारको लागि मदन भण्डारी अस्पताल तथा ट्रमासेन्टर मंगलबारे
पठाइएको थियो ।
तर, साँझ ७:३० बजे डाक्टरले चेकजाच गर्ने क्रममा मृत्त घोषणा गरेको प्रहरीले जनाएको छ ।
दुर्घटनापछि भागेको ट्रक भने प्रहरीले राति ८:४५ बजेतिर बेलबारी नगरपालिका-१० भाउन्नेस्थित जंगलमा फेला पारेको थियो ।
गाडीको सहचालक रामधुनी नगरपालिका-९ बस्ने ३२ वर्षीय जितन सदालाई इलाका प्रहरी कार्यालय पथरीले नियन्त्रणमा लिएको छ ।
यसैगरी, चालक रामधुनीकै ४० वर्षीय बलराम चौधरीलाई भने इलाका प्रहरी कार्यालय पथरीले नियन्त्रणमा लिएको छ ।
