बर्जु । सुनसरीको बर्जु गाउँपालिकामा आइतबार
नेपाल राहत शिक्षक केन्द्रीय समितिको आह्वानमा देशभरका ७५३ वटै स्थानीय तहमा एकैसाथ विरोध कार्यक्रम आयोजना गरिएको छ ।
सोही कार्यक्रमअन्तर्गत बर्जु गाउँपालिका कार्यालयको प्रांगणमा हिजो बिहान राहत शिक्षकहरूले शिक्षा, स्वास्थ्य तथा सूचना प्रविधि समितिको उदासीनताविरुद्ध विरोध सभा गरिएको हो ।
कार्यक्रममा बर्जु गाउँपालिकाभित्रका विभिन्न विद्यालयमा कार्यरत राहत शिक्षकहरूको बाक्लो उपस्थिति थियो ।
सहभागीहरूले हातमा मागपत्रसहितका प्लेकार्ड बोकेका थिए र “राहत शिक्षकको स्थायी व्यवस्था गर”, “शिक्षकको अधिकार सुरक्षित गर” जस्ता नाराहरू घन्काएका थिए ।
उनीहरूले लामो समयदेखि अस्थायी रूपमा कार्यरत राहत शिक्षकहरूको भविष्य अनिश्चित भएको भन्दै चाँडै स्थायी व्यवस्थापन गर्न सरकारलाई चेतावनी दिए ।
उनीहरूले राहत शिक्षकहरूकै योगदानमा विद्यालयहरू सञ्चालन भइरहेका बेला सरकारले उनीहरूको हक अधिकारलाई उपेक्षा गर्नु शिक्षा क्षेत्रको अपमान भएको टिप्पणी गरे ।
राहत शिक्षकहरूको स्थायीकरणको माग वर्षौंदेखि उठ्दै आएको भए पनि अहिलेसम्म ठोस नीतिगत निर्णय भएको छैन ।
शिक्षा, स्वास्थ्य तथा सूचना प्रविधि समितिले यसबारे कुनै ठोस योजना नल्याएको र छलफलमा पनि चासो नदेखाएको भन्दै केन्द्रीय समितिले देशव्यापी विरोध कार्यक्रमको आह्वान गरेको हो ।
स्थानीय समर्थन र सरोकारवालाको उपस्थिति
सभामा बर्जु राहत शिक्षक समितिका अध्यक्ष दिपेन्द्र कुमार चौधरी ,नेपाल शिक्षक माहासङ्घ बर्जु कार्यसमितिका अध्यक्ष तथा पुर्व सुनसरी जिल्ला राहत शिक्षक समितिका अध्यक्ष बिजय चौधरी ,बर्जु प्रधानाध्यापक सघका अध्यक्ष पुनितलाल चौधरी ,नेपाल शिक्षक संघका अध्यक्ष बिनोद गुरुङ ,नेपाल राष्ट्रिय शिक्षक सङ्ठ्नका अध्यक्ष युबराज श्रेष्ठ ,पुर्व राहत शिक्षक समिती बर्जुका अध्यक्ष आनन्दी कुमार चौधरीलागाएत स्थानीय समाजसेवी, अभिभावक, विद्यालय व्यवस्थापन समिति सदस्य र पत्रकारहरू पनि उपस्थित थिए ।
उनीहरूले राहत शिक्षकको माग जायज भएको र यो प्रश्नलाई चाँडो समाधान नगरे शिक्षा प्रणाली कमजोर हुने चेतावनी दिएका थिए ।
कार्यक्रम संयोजकहरूले चेतावनी दिंदै भने, “यदि मागलाई सरकारले गम्भीरतापूर्वक लिएन भने, हामी अझ ठूलो आन्दोलनमा उत्रनेछौं ।”
उनका अनुसार आवश्यक परे काठमाडौँसम्मको केन्द्रीय प्रदर्शन र विद्यालयहरूमा शिक्षण बहिष्कारसम्मका कार्यक्रम घोषणा गरिनेछन् ।
आजको विरोध सभाले राहत शिक्षकहरूको स्थायी,सेवा सुविधा , व्यवस्थापनका लागि स्थानीय तहदेखि संघीय तहसम्म दबाब सिर्जना गर्दै अब अगामी कार्यक्रम नेपाल राहत शिक्षक केन्द्रिय समितिको तय अनुसार गर्ने भनी बर्जु राहत शिक्षक समितिका अध्यक्ष दिपेन्द्रकुमार चौधरीज्यूले बताए ।
