सुनसरीको इटहरी–२० पानीपिया जंगलमा आज बिहान बस र स्कुटर ठोक्किँदा दुई युवकको मृत्यु भएको छ ।
इटहरीबाट धरानतर्फ जाँदै गरेको बस र विपरीत दिशाबाट आइरहेको स्कुटर ठोक्किँदा झापा बिर्तामोड–५ का सुजन बिक र सुरज बिक घाइते भएका थिए ।
दुवैको धरानस्थित बीपी कोइराला स्वास्थ्य विज्ञान प्रतिष्ठानमा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएर घटना अनुसन्धान गरिरहेको छ ।
