सोलुखुम्बु– राष्ट्रिय स्वतन्त्र पार्टीका एकजना गाउँपालिका सभापति फरक क्षमताकी महिलालाई बलात्कार आरोपमा पक्राउ परेका छन् ।
जिल्लाको लिखुपिके गाउँपालिका वडा नं. २ पोखरी निवासी ४५ वर्षीय रामचन्द्र बस्नेतलाई प्रहरीले पक्राउ गरेको हो ।
फरक क्षमता भएकी एकजना महिलालालाई बलात्कार गरेको अभियोगमा प्रहरीले उनलाई काठमाडौंबाट पक्राउ गरेको हो ।
२०८१ साउन ४ गते दिउँसो ५ बजे, फरक क्षमताकी एक महिलालाई बलात्कार गरी फरार रहेका बस्नेतलाई सोमबार दिउँसो काठमाडौं महानगरपालिका-१६ स्थित बनस्थलीबाट पक्राउ गरिएको जिल्ला प्रहरी कार्यालय सोलुखुम्बुका प्रहरी निरीक्षक एवम् सूचना अधिकारी विकास राईले बताए ।
गत वर्ष साउनमा भएको उक्त घटनापछि फरार बस्नेतलाई पक्राउ गरी बुधबार जिल्ला अदालत सोलुखुम्बुबाट सात दिनको म्याद लिइएको राईले बताए ।
प्रहरीले अनुसन्धानका क्रममा बस्नेत राष्ट्रिय स्वतन्त्र पार्टी (रास्वपा) लिखुपिके गाउँपालिकाका सभापतिसमेत रहेको खुल्न आएको जानकारी दिएको छ।
