उदयपुर । उदयपुरको उदयपुरगढी गाउँपालिका-७ जोगीटोलमा ट्रकको ठक्करबाट पैदलयात्रीको मृत्यु भएको छ ।
मदन भण्डारी लोकमार्गमा कटारीबाट गाईघाटतर्फ आउँदै गरेको प्र ३-०१-००६ ख ०५६१ नम्बरको स्ट्रिम बोकेको ट्रकले पैदलयात्री उदयपुरको रौतामाई गाउँपालिका-७ बस्ने अन्दाजी ७२ वर्षीय टंकबहादुर लामिछाने मगरलाई ठक्कर दिएको थियो ।
ट्रकको ठक्करबाट उनको घटनास्थलमै मृत्यु भएको थियो ।
ट्रक चालक जिल्ला काभ्रे बनेपा नगरपालिका-१४ बस्ने अन्दाजी ५४ वर्षीय नवराज राउत सकुसल रहेको र सह-चालक दोलखाको कालिन्चोक गाउँपालिका-४ बस्ने अन्दाजी ४० वर्षीय गोमे दर्जी घाइते भएका छन् ।
दाहिने खुट्टामा चोट लागेर घाइते भएको उनलाई उपचारको लागि जिल्ला अस्पताल उदयपुर पठाइएको प्रहरीले जनाएको छ ।
