ग्रीसमा रोजगारीको क्रममा ज्यान गुमाएका नवलपरासी बर्दघाटका विकास गौतमको शव शनिबार राति नेपाल ल्याइएको छ ।
ग्रीसमा नेपाली दूतावास नभएको अवस्थामा परिवारले शव मगाइदिन सहयोगको अपील गरेका थिए । त्यसपछि गौतमको शव नेपाल झिकाउन सहजीकरण गरेको रिटर्नी फेडेरेसन नेपालका सचिव ज्ञानु खवासले बताए ।
रिटर्नी फेडेरेसन नेपालका विदेश विभाग प्रमुखसमेत रहेका खवासले धेरै मिहिनेत र सहजीकरणपछि शव नेपाल ल्याउन सफल भएको बताएका छन् ।
मृतकका आफन्तहरू शव नेपाल ल्याउन नसकेर तनावमा रहेको जानकारी पाएपछि कूटनीतिक पहल गरिएको हो । रिटर्नी फेडेरेसन नेपालका प्रतिनिधिमण्डलले विभिन्न आवश्यक कागजात र पक्रिया पूरा शव झिकाएका हुन् । शनिबार राति ११ बजे एयरपोर्टमा शव बुझेर परिवारको जिम्मामा लगाइएको छ ।
यसअघि जुन ९ मा मलेसियामा मृत्यु भएका २१ वर्षिय रोहित कुमार मुखियाको शव नेपाल ल्याउन पनि फेडेरेशनले सहजीकरण गरेको थियो ।
फेडेरेशनले विदेशमा रहेका नेपाली तथा रिटर्नीका लागि योगदान गर्दै आइरहेको संगठनका महासचिव खेम कार्कीले जानकारीले दिए ।
