प्रतिकात्मक फोटो मिक्लाजुङ । मोरङको मिक्लाजुङ गाउँपालिकामा अटोले ठक्कर दिएर घाइते बनेका एक व्यक्तिको उपचारका क्रममा मृत्यु भएको छ ।
मिक्लाजुङ-६ जनजाति चौक बस्ने ५२ वर्षीय अमृत मगरको उपचारका क्रममा मंगलबार बिहान विराट टिचिङ अस्पतालमा मृत्यु भएको हो ।
अत्याधिक मादक पदार्थ सेवन गरेर घर नजिकै बाटोमा लडिरहेको अवस्थामा उनलाई आफन्तले फेला पारी सोमबार राति ९:१५ बजे उपचारको लागि अरनिको अस्पताल उर्लाबारीमा ल्याएका थिए ।
त्यहाँ सामान्य उपचारपछि थप उपचारको लागि सोहि राति २०:४० बजे विराट टिचिङ अस्पताल विराटनगर
रेफर लिइएको थियो ।
चिउडो, घुडाँ र टाउकोमा चोट लागेर बोल्न नसक्ने बेहोस अवस्थाका उनको अवस्था गम्भीर थियो ।
उपचारका लागि विराट टिचिङ पठाएर अनुसन्धान थालेको प्रहरीले प्र १-०२-००३ ह ३५९५ नम्बरको अटोले ठक्कर दिई दुर्घटना भएको थाहा पाएको थियो ।
उपचारका क्रममा मंगलबार ९:५६ बजे उनको मृत्यु भएको र शव सोही अस्पतालमा रहेको प्रहरीले जनाएको छ ।
अटो चालक जिल्ला मोरङ मिक्लाजुङ गाउँपालिका-६ बस्ने २५ वर्षीय रोशन लिम्बु भने फरार छन् । उनको खोजी भइरहेको प्रहरीले जनाएको छ ।
