चुलचुली । ईलामको चुलाचुलीमा सर्पले टोकेर एक बालिकाको मृत्यु भएको छ ।
सर्पल टोकेर इलामको चुलाचुली गाउँपालिका-१ तीनतले कि १३ वर्षीया बालिका प्रिया राईको ज्यान गएको हो ।
आफ्नै घरमा सुतिरहेको अवस्थामा विषालु गोमन सर्पले टोक्दा सोमबार बिहान ४ बजे उनको मृत्यु भएको हो ।
बेलुका सकुसल सुतेकी छोरी राति २ बजे एक्कासि छटपटाउन थालेपछि बुबा चित्र राई तथा आमा सुस्मा राईले खोजतलास गर्दा बच्चाको हातमा सर्पले टोकेको डाम देखिएको थियो ।
त्यसपछि झापाको दमकमा अवस्थित रेडक्रसमा लगिए पनि बच्चा लाई सर्पदंश उपचार केन्द्र दमकले मृत घोषणा गरेको हो । उनी चुलाचुली १ कमल स्थित जनता माध्यमिक विद्यालय कक्षा ७ मा अध्ययनरत थिइन् ।
