विराटनगर । विराटनगरको कान्तिपुर स्कुलले माध्यमिक शिक्षा परीक्षा (एसइई) मा उत्कृष्ट नतिजा ल्याएको छ ।
कान्तिपुरबाट एसइईमा सहभागी ६० जना विद्यार्थीमध्ये आयुशा कार्कीले ४ जिपिए ल्याएकी हुन् ।
यसैगरी, ११ जना विद्यार्थीले ए प्लस र ४१ जना विद्यार्थीले ए जिपिए ल्याएका छन् ।
७ जना विद्यार्थीले बी प्लस ल्याएका छन् । स्कुलबाट परीक्षामा सहभागी भएका विद्यार्थीले उत्कृष्ट अंक ल्याएका कान्तिपुर कलेजका प्रिन्सिपल भुवन नेपालले जानकारी दिए ।
४ जिपिए ल्याएकी कार्कीसहित सबै विद्यार्थीहरूलाई स्कुलले सम्मान गरेको छ । कार्कीलाई कक्षा ११ र १२ मा पूर्ण छात्रवृत्तिसहित नगद २५ हजार रुपैयाँले सम्मान गरेको हो ।
कार्कीलगायतका विद्यार्थीहरू कान्तिपुरमै कक्षा ११ र १२ अध्ययन गर्ने बताइएको छ । कान्तिपुरले कक्षाा ११ र १२ मा पनि उत्कृष्ट नतिजा ल्याउँदै आएको छ ।
विद्यार्थीहरूलाई प्रिन्सिपल नेपाल, सहायक प्रिन्सिपल देविलाल महतो, विज्ञान संकायका कोर्डिनेटर हिमाल बराललगायतले सम्मान गरे ।
