विराटनगर । माध्यमिक शिक्षा परीक्षामा विराटनगरको हेरिटेज इन्टरनेसनल स्कुलका विद्यार्थीहरूले अब्बल नतिजा निकालेका छन् ।
विराटनगर महानगरपालिका-४, बरगाछीको सप्तकोशी मार्गमा अवस्थित हेरिटेज इन्टरनेसनल स्कुलका परीक्षार्थीहरूले एसइईमा उत्कृष्ट नतिजा हासिल गरेका हुन् ।
स्कूलका कुल ९ जना परीक्षार्थीमध्ये सम्पूर्ण विद्यार्थीहरूले उत्तीर्ण भएका छन् ।
नतिजाअनुसार ८ जना विद्यार्थीले ए प्लस ग्रेड र १ जना विद्यार्थीले ए ग्रेड हासिल गरेका छन् ।
यो स्कूलको पहिलो ब्याचको नतिजा हो र यसले स्कूलको शिक्षाको गुणस्तरलाई प्रमाणित गरेको स्कुलका प्रिन्सिपल सुशान्त बानियाँले जानकारी दिए ।
विद्यार्थीहरूको यस उत्कृष्ट प्रदर्शनले स्कूल व्यवस्थापन, शिक्षक तथा अभिभावकहरूमा खुशीको लहर फैलाएको उनको भनाइ छ ।
स्कूल व्यवस्थापनले सम्पूर्ण उत्तीर्ण विद्यार्थीहरूलाई बधाई दिंदै आगामी दिनहरूमा अझ राम्रो नतिजाका लागि प्रतिबद्धता जनाएको छ ।
