रत्नपार्क स्थित शान्तिवाटिकामा आयोजित राजावादी आन्दोलनमा दलका शीर्ष नेताविरुद्ध अभद्र नारा लागेको छ ।
राजावादीहरूको भीडले प्रधानमन्त्री केपी शर्मा ओलीलगायत दलका शीर्ष नेताहरूविरुद्ध अमर्यादित नारा लगाइरहेका छन् । उनीहरूले गणतन्त्रको विरोध र राजसंस्थाको समर्थनमा नारा लगाएका हुन् ।
राजसंस्थाको पक्षमा नारा लगाउँदै उनीहरूले हिन्दू अधिराज्य कायम गर्, झुठा मुद्दा खारेज गर् लगायतका नारा लगाएका छन् ।
केही राजावादी आन्दोलनकारीहरूले प्रतिक्रिया दिँदै पूर्वराजाले ‘जनता आऊ देश बचाऊ’ भनेर आह्वान गरेकाले आन्दोलनमा सहभागी भएको बताए ।
राजावादीहरूले आन्दोलन शान्तिपूर्ण रहने बताएका छन् ।
