विराटनगर । इलाका प्रहरी कार्यालय राजारानी धनकुटामा कार्यरत प्रहरी सहायक निरीक्षक रुद्रबहादुर पराजुलीलाई सर्वोत्कृष्ट प्रहरी घोषित भएका छन् ।
कोशी प्रदेश प्रहरी कार्यालय, विराटनगरले ट्रकबाट झन्डै १० क्विन्टल गाँजासहित चालक पक्राउ गर्ने पराजुलीलाई २०८२ साल बैशाख महिनाको उत्कृष्ट घोषित गरेको हो ।
गत वैशाख १५ गते पराजुलीको कमान्डमा खटिएको संयुक्त प्रहरी टोलीले चौबिसे गाउँपालिका-५ बोधे स्थितबाट ना. ५ ख ६१५७ नम्बरको ट्रकमा लोड भएको ९ सय ४६ किलो गाँजा बरामद गरेको थियो ।
३८ बोरा गाँजा बोकेको ट्रकमा रहेका व्यक्ति बोधेका स्थानीय ४३ वर्षीय मनोज लिम्बूलाई प्रहरीले समेतलाई नियन्त्रणमा लिएको थियो ।
