धनकुटा । उदयपुर र धनकुटाबाट लागूऔषध गाँजासहित दुई जना महिलालाई प्रहरीले पक्राउ गरेको छ ।
जेठ ८ गते इलाका प्रहरी कार्यालय भेडेटारबाट चेकजाँचमा खटिएको प्रहरी टोलीले धनकुटाको साँगुरीगढी गाउँपालिका-६ भेडेटारबाट ५१ किलो गाँजासहित एक महिलालाई पक्राउ गरेको थियो ।
प्र १-०२-००१ ज ४४८० नम्बरको यात्रु वाहक इभी गाडीमा सवार रहेकी धनकुटाको सहिदभुमी गाउँपालिका-७ की २६ वर्षीया लक्ष्मी राईलाई प्रहरी पक्राउ गरेको हो ।
त्यसैगरी, जिल्ला प्रहरी कार्यालय उदयपुरबाट खटिएको प्रहरी टोलीले चेकजाँचको क्रममा उदयपुरको त्रियुगा-९ की ४१ वर्षीया शिव माया लुङगेली मगरलाई लागूऔषध गाँजा आठ सय १० किलो गाँजासहित पक्राउ गरेको हो ।
