विराटनगर । नेपाल प्रहरीमा कार्यरत प्रहरी सहायक निरीक्षक कुन्जाङ छोपेल शेर्पाले विश्वको सर्वोच्च शिखर सगरमाथा सफलतापूर्वक आरोहण गरेकी छन् ।
उनले मिति २०८२ साल जेष्ठ ०५ गते बिहान ०८:५६ बजेको समयमा सर्वोच्च शिखर सगरमाथामा आरोहण गरेर नेपाल र नेपाल प्रहरीको झण्डा फहराएकी हुन् ।
सर्वोच्च शिखर सफतापुर्वक आरोहण गरेकी शेर्पालाई कोशी प्रदेश प्रहरी प्रमुख प्रहरी नायव महानिरीक्षक ईश्वर कार्कीले हार्दिक वधाई तथा सफलताको शुभकामना व्यक्त गरे ।
आरोहणपछि जेष्ट ६ गते वेस क्याम्प आई पुगेकी शेर्पालाई कोशी प्रदेश प्रहरी कार्यालयको तर्फबाट इलाका प्रहरी कार्यालय नाम्चेले हार्दिक वधाई सहित स्वागत गरेको छ ।
सोलुखुम्बु जिल्लाको थुलुङ दुधकुण्ड गाउँपालिका-९ घर भएकी शेर्पा हाल नेपाल प्रहरी प्रधान कार्यालय साईवर व्यूरोमा कार्यरत छिन् ।
