हेटौँडा । काठमाडौंबाट फर्किँदै गरेको इभी गाडी दुर्घटना हुँदा दुई जनाको मृत्यु भएको छ भने १४ जना घाइते भएका छन् ।
हेटौंडा-काठमाडौँ कान्ति लोक पथ सडक खण्डको मकवानपुरको मकवानपुरगढी गाउँपालिका–२, धरमपानीमा इभी गाडी दुर्घटनामा परेको थियो ।
काठमाडौँबाट हेटौँडा आउँदै गरेको बा.प्र.०१–००६ ख ७०७२ नम्बरको इभी गाडी शुक्रबार बिहान एक बजेको समयमा सडकबाट दुई सय मिटर तल खसेर दुर्घटना भएको हो ।
सवारी दुर्घटनामा रौतहट दुर्गा भवानी गाउँपालिका–५, बस्ने ५० वर्षीय निलम देवी राउत र सर्लाही बागमती गाउँपालिका–७ बस्ने १३ वर्षीय मानुसी मगरको मृत्यु भएको छ ।
राउतको उपचारको क्रममा हेटौँडा अस्पतालमा र खोजतलास गर्ने क्रममा दुर्घटना स्थलनजिक खोल्सामा मृत अवस्थामा फेला परेका थिए ।
सवारी दुर्घटनामा रौतहट दुर्गा भवानीपुर गाउँपालिका–५ बस्ने ५५ वर्षीय राम प्रकाश राउत, सर्लाही बरहथहवा नगरपालिका–८ बस्ने ५२ वर्षीय शिवशंकर राय, ४५ वर्षीय रिकिदेवी राय, सर्लाही बरहथवा नगरपालिका–९ बस्ने २७ वर्षीय मनोज राय घाइते भएका छन् ।
घाइतेहरूको हेटौँडा अस्पतालमा उपचार भइरहेको छ ।
