विराटनगर । कोशी प्रदेश खेलकुद विकास बोर्डले सातौँ अन्तर्राष्ट्रिय जुडो च्याम्पियनसिप-२०२५ मा सहभागी हुने कोशी प्रदेशका खेलाडीहरूलाई बिदाइ गरेको छ ।
विराटनगरस्थित बोर्ड परिसरमा आइतबार एक कार्यक्रम गर्दै बोर्डले राष्ट्रिय जुडो संघको आयोजनामा वैशाख ३ देखि ५ गतेसम्म काठमाण्डौंमा हुने च्याम्पियनसिपमा सहभागी हुने खेलाडी र प्रशिक्षकलाई बिदाइ गरेको हो ।
खेलाडी बिदाइ कार्यक्रममा बोल्दै खेलकुद विकास बोेर्डका सदस्य सचिव कृष्ण बस्नेत (पर्शुराम) ले खेलाडीहरूलाई च्याम्पियनसिपमा उत्कृष्ट प्रदर्शनका निम्ति शुभकामना व्यक्त गरे ।
बस्नेतले राष्ट्रिय स्तरको प्रतियोगिताका विजेताहरूलाई बोर्डले नगदसहित सम्मान गर्ने गरेको स्मरण गर्दै च्याम्पियनसिपका विजेताहरूको समेत बोर्डले उचित मूल्याङ्कन गर्ने बताउनु भएको थियो ।
बस्नेतले हालै सम्पन्न प्रथम कोशी प्रदेश खेलकुद महोत्सव तथा च्यापियनशीप जस्ता प्रतियोगिता दशौँ राष्ट्रिय खेलकुद प्रतियोगिताका लागि महत्वपूर्ण सिकाई हुुने बताउँदै खेलाडीहरूलाई बोर्डको तर्फबाट पूर्ण सहयोग रहने प्रतिवद्धता समेत व्यक्त गरे ।
बोर्डका कार्यलय प्रमुख कालिदास भट्टराईलाई प्रतियोगितामा विभिन्न वजन समूहको स्पर्धामा कोशी प्रदेशबाट २५ जना खेलाडी र ३ जना प्रशिक्षकको सहभागिता रहने जानकारी दिए ।
