विराटनगर । सुनसरी जिल्लाको बराहक्षेत्र नगरपालिका-३ नडाहास्थित मदन भण्डारी लोकमार्गमा मोटरसाइकलको ठक्करबाट वृद्धाको मृत्यु भएको छ ।
बिहीबार साँझ ६ः४० बजेतिर पकलिबाट चतरातर्फ जाँदै गरेको प्र१-०२-०४३प ५३०९ नम्बरको मोटरसाइकलले बाटो पार गर्दै गरेकी स्थानीय ७७ वर्षीया पैदलयात्री मनमाया गिरीलाई ठक्कर दिएको थियो ।
मोटरसाइकलको ठक्करबाट गम्भीर घाइते भएकी उनलाई उपचारको लागि धरान घोपा लगिएको थियो ।
उपचारका क्रममा राति १०:१८ बजे उनको मृत्यु भएको महेन्द्रनगर प्रहरी कार्यालयले जानकारी दिएको छ ।
मोटरसाइकल र चालक, मोरङ केराबारी गाउँपालिका-५ का ३३ वर्षीय अनिल बिकलाई नडाहा प्रहरीले नियन्त्रणमा लिएको छ।
दुर्घटनाको कारण मोटरसाइकलको तीव्र गति भनिएको छ ।
