दुहबी । सुनसरीको दुहबी नगरपालिकामा आइफोन पड्किएर आगलागी हुँदा ७ लाख बराबरको क्षति भएको छ ।
दुहबी-५ मा बुधबार बिहान आइफोन पड्किएर आगलागी भएको थियो ।
आज बिहान करिब ९ बजेको समयमा दुहबी-५ निवासी उमा दाहालको घरमा आगलागी भएको कार्यपालिका सदस्य मिना श्रेष्ठले जानकारी गराइन् ।
आगलागीको कारण आइफोन १२ प्रो चार्जमा राखेको बेला अचानक पड्किएर आगोलागेको उमा दाहाल बताइन् ।
आगो नियन्त्रण गर्न तत्काल दुहबी नगरपालिका को बारुणयन्त्रसहितको टिम र इलाका प्रहरी दुहबीको टिम घटनास्थलमा पुगेको थियो ।
आगलागी तत्काल नियन्त्रण गर्दा जनधनको ठुलो क्षति हुन नपाएको स्थानीयले बताएका छन् ।
आगलागी बाट करिब ७ लाख रुपैयाँ बराबरको क्षति भएको पीडित उमा दाहालले जनाइन् ।
