विराटनगर । विराटनगरस्थित बिएसएन स्कुल अफ होटल म्यानेजमेन्टले विद्यार्थीहरूका लागि १० दिने बेकरी तालिम सुरु गरेको छ ।
यसै शैक्षिक सत्रदेखि सञ्चालनमा आएको स्कुलले कक्षा ११ का विद्यार्थीहरूका लागि निःशुल्क रूपमा बेकरी तालिमको आयोजना गरेको हो ।
शैक्षिक क्यालेन्डरअनुसार स्नातक तहमा मात्रै बेकरीको अध्ययन र प्रयोगात्मक पाक कला हुने भएपनि विद्यार्थीको दक्षता र समयानुकुल क्षमता अभिवृद्धिका लागि निःशुःल्क रूपमा बेकरी तालिम आयोजना गरिएको बिएसएन स्कुल अफ होटल म्यानेजमेन्टका प्रबन्ध निर्देशक मनोज राजवंशीले जानकारी दिए ।
आफूहरूले विद्यार्थीहरुको विकासका लागि अभिभावसँग जनाएको प्रतिबद्धता र घरमै केकलगायतका बेकरी बनाएर खान सकियोस् भनेर ११ कै विद्यार्थीहरूलाई बेकरी तालिम दिइएको उनले बताए ।
राजवंशीले एसइई दिएर बसेका विद्यार्थीहरूका लागि पनि चाडै १० दिने निःशुल्क बेकरी तालिम सुरु गर्नेसमेत बताएका छन् ।
एसइईपछि होटल म्यानेजमेन्ट अध्ययनप्रति चासो राख्ने विद्यार्थीहरुलाई लक्षित गर्दै निःशुल्क बेकरी कोर्स सुरु गर्न लागिएको उनले बताएका छन् ।
यसै शैक्षिक सत्रदेखि विद्यार्थीहरुलाई प्लस टु मै दक्ष बनाउने गरी विराटनगरमा एक्सक्लुसिभ बिएसएन स्कुल अफ होटल म्यानेजमेन्टको स्थापना भएको राजवंशीले बताएका छन् ।
अहिले बिएसएनको पहिलो ब्याचमा पाँच दर्जन भन्दा बढी विद्यार्थीहरू अध्ययनरत रहेका छन् ।
