विराटनगर । मोरङको विराटनगर महानगरपालिका-११ मा रहेको सगरमाथा सेकेन्डरी स्कुलले माध्यमिक शिक्षा परीक्षा (एसइई) दिने विद्यार्थीहरूलाई एक दिने अभिमुखीकरण प्रदान गरेको छ ।
स्कुल परिसरमा सोमबार एक कार्यक्रमको आयोजना गरी स्कुलले एसइई परीक्षा दिने विद्यार्थीलाई एक दिने अभिमुखीकरण तथा शुभकामना दिएको हो ।
स्कुलले परीक्षामा सामेल हुने एक सय नौ जना विद्यार्थीलाई परीक्षामा सामेल हुनेदेखि परीक्षाको मर्यादा कायम गर्ने, परीक्षामा दिएको प्रश्नहरूको हल कसरी गर्नेलगायतका विषय सिकाएको थियो ।
उनीहरूलाई स्कुलका प्रिन्सिपल त्रिलोचन गौतम, भाइस प्रिन्सिपल रोहिणी रमण दवाडी र शिक्षकहरूले अभिमुखीकरण तथा शुभकामना दिएका थिए ।
