काठमाडौं । कोशी, बाग्मती र गण्डकी प्रदेशका पहाडी भू–भागमा आज (बिहीबार) अपरान्ह मेघगर्जन र चट्याङसहित वर्षा हुनसक्ने पूर्वानुमान गरिएको छ ।
मौमम पूर्वानुमान महाशाखाका अनुसार पश्चिमी वायुको आंशिक प्रभावका साथै स्थानीय वायुको समिश्रणको असर वर्षा हुनसक्ने सम्भावना रहेको हो ।
कोशी, बाग्मती र गण्डकी प्रदेशका पहाडी भेगका केही स्थान र बाँकी प्रदेशका पहाडी भेगका १–२ स्थानमा वर्षा हुनसक्ने महाशाखाले जनाएको छ ।
अपरान्ह मेघगर्जन र चट्याङसहित अपराह्नतिर वर्षा हुनसक्ने पूर्वानुमान गरिएका पनि राति मौसम सामान्यतया सफा रहने सम्भावना छ ।
बुधबार साँझ काठमाडौं उपत्यकासहित मुलुकका केही स्थानमा हल्कादेखि मध्यम वर्षा भएको थियो ।
कोशी, बागमती र गण्डकी प्रदेशको पहाडी भू–भागमा हल्कादेखि मध्यम वर्षा भएको थियो। देशका विभिन्न स्थानमा विगत ४ दिनदेखि मौसम बदली रहेको थियो ।
गण्डकी प्रदेशमा वर्षा गराउने मौसमी प्रणाली विकसित भइ कोशी प्रदेश भएर बाहिरिएकाले बिहीबार राति पानि नपर्ने पूर्वानुमान गरिएको छ ।
