विराटनगर । मोरङको विराटनगरमा मोटरसाइकलको ठक्करबाट साइकलमा सवार दुई युवती घाइते भएका छन् ।
मंगलबार साँझ ७:१५ बजेतिर विराटनगर महानगरपालिका-१४ नेपाल टेलिकम छेउस्थित कोशी लोकमार्गमा विराटनगरबाट रानीतर्फ आउँदै गरेको प्र.२-०१-००४ प २९७ नम्बरको मोटरसाइकलले बाटो क्रस गर्दै गरेको साइकललाई ठक्कर दिएको थियो ।
उक्त दुर्घटनामा साउकलयात्री स्थानीय कुरुन महतोको छोरी १७ वर्षीया राधा महतो र सोही साइकलमा सवार स्थानीय राजु महतोको छोरी १५ वर्षीया सम्झना महतो घाइते भएका हुन् ।
दुवै जना घाइते भई उपचारको लागि कोशी अस्पताल विराटनगर पठाइएको प्रहरीले जनाएको छ ।
इलाका प्रहरी कार्यालय रानीले मोटरसाइकल र चालक सप्तरीको खडक नगरपालिका ११ घर भई हाल विराटनगर १३ बस्ने २३ वर्षीया श्यामसुन्दर चौधरीलाई नियन्त्रणमा लिएको छ ।
