विराटनगर । नेपाल पत्रकार महासंघ मोरङले शुक्रबार बनभोज कार्यक्रमको आयोजना गरेको छ ।
विराट मेडिकल कलेज टिचिङ अस्पतालसँगको सहकार्यका विराटनगर १९ ऋषिमोहन पार्कमा महासंघले बनभोज कार्यक्रमको आयोजना गरेको हो ।
कोशी प्रदेशका सांसदहरू अमृत अर्याल, भीम पराजुली, विराटनगर महानगरपालिका प्रमुख नागेश कोइराला, बुढीगंगा गाउँपालिकाका अध्यक्ष जीतनारायण थापामगर, विराट मेडिकल कलेज टिचिङ अस्पतालका निर्देशक डा. निकिता कार्कीको उपस्थिति थियो ।
यसैगरी, मोरङका प्रमुख जिल्ला अधिकारी इन्द्रदेव यादव, प्रहरी उपरिक्षक नारायण चिमरिया, शसस्त्रका प्रहरी उपरिक्षक राजेश घिमिरे, नेपाल पत्रकार महासंघका केन्द्रीय सदस्य शंकर खरेल, कोशी प्रदेश अध्यक्ष भरत खड्का, विराट मेडिकल कलेजका कानुनी सल्लाहकार काँशी चुँडाल, पत्रकार महासंघ मोरङ अध्यक्ष सुशीला पाठक, उपाध्यक्ष तथा बनभोज कार्यक्रमका संयोजक सन्तोष सिग्देलको पनि वनभोज कार्यक्रममा उपस्तिथि रहेको थियो ।
कार्यक्रममा बोल्दै उनीहरूले हरेक दिन सञ्चारकर्ममा व्यस्त बन्ने पत्रकारका लागि बनभोज कार्यक्रम एकापसमा रमाइलो गर्ने, सवैजना एक जुट हुने अवसर हुने बताए ।
यस्तै, विराट मेडिकल कलेजका निर्देशक डा. कार्कीले पत्रकार महासंघसँगका सदस्यहरुको क्षमता विकास लगायतका काममा सहकार्य गर्न तयार रहेको बताए ।
कार्यक्रममा पत्रकारहरूले नृत्य, म्युजिल चेयर, हाउजी खेलेर मनोरञ्जन लिएका थिए ।
म्युजिकल चेयरमा बब्लुता शाक्य प्रथम भएकी थिइन् ।
हाउजीमा विनोद सुवेदीले हाउसफुल गर्न सफल भएका थिए ।
कार्यक्रममा एक दर्जन बढी पत्रकारहरूले आफूभित्र रहेका प्रतिभा प्रस्तुत गरेका थिए ।
कार्यक्रममा ‘लाज शरणम’ चलचित्रका कलाकारहरु सागर लम्साल ‘बले’, कुमार कट्टेल ‘जिग्री’, हरिश निरौला ‘कक्रोज’को उपस्थिति रहेको थियो ।
चलचित्रको प्रर्बद्धनका लागि विराटनगर आएको टोली महासंघको बनभोज कार्यक्रममा सहभागी भएको थियो ।
नेपाल पत्रकार महासंघले ४ वर्षपछि बनभोज कार्यक्रम को आयोजना गरेको थियो ।
