विराटनगर । विराटगर महानगरपालिका–९ मा अवस्थित शिक्षादीप कलेजले दोस्रो त्रैमासिक परीक्षामा उत्कृष्ट हुने विद्यार्थीलाई नगदसहित सम्मान गरेको छ ।
कलेजमा कक्षा ११ र १२ मा अध्ययनरत रही उत्कृष्ट नतिजा ल्याउने विद्यार्थीहरूलाई मंगलबार एक कार्यक्रमबीच नगदसहित सम्मानित भएका हुन् ।
कलेजले सञ्चालन गरेको परीक्षाहरूमा उत्कृष्ट अंक ल्याउने छात्र-छात्राहरूलाई नगद पुरस्कारसहित सम्मान गरिएको कलेजका व्यवस्थापन संकायका को–अर्डिनेटर शंकर भट्टराईले बताए ।
उनका अनुसार व्यवस्थापन संकाय कक्षा ११ र १२ का गरी २० जना, विज्ञान संकायमा कक्षा ११ र १२ का गरी ५७ जना विद्यार्थीलाई नगदसहित पुरस्कृत गरिएको हो ।
कलेजका विद्यार्थीले एमसिक्यु, विराटनगर महानगरपालिकाले आयोजना गरेको विज्ञान प्रर्दशनमा दोस्रो हिसान खेलमा पदक विजेता खेलाडीहरू, आन्तरिक हाजिरिजवाफ, रोवोटीक्स एस्ट्रोनोमी एभिएसन र आइटी वर्कसपमा सहभागी २१९ जना विद्यार्थीहरूलाई विशेष सम्मान गरिएको कलेजका निर्देशक भूपेन्द्र दाहालले बताए ।
सम्मानित र पुरस्कृत हुने सबै विद्यार्थीलाई कलेजका प्रिन्सिपल ज्ञानबहादुर खडका, कलेजका प्रमुख निर्देशक शैलेन्द्र शिवाकोटी, कलेजका निर्देश डा. विमल श्रीवास्तव, निर्देशक रामचन्द्र अधिकारी र विज्ञान संकायका को–अर्डिनेटर नवीन राँयले गरे ।
