बर्जु । सुनसरीको बर्जु गाउँपालिकामा सातौं संस्करणको राष्ट्रपति रनिङ शिल्ड प्रतियोगिता सुरु भएको छ ।
बर्जु-५ स्थित नेपाल राष्ट्रिय माध्यमिक विद्यालयको खेलमैदानमा बिहीबारदेखि पालिकास्तरीय प्रतियोगिता सुरु भएको हो ।
प्रतियोगिताको उद्घाटन बर्जु गाउँपालिकाका अध्यक्ष जिवछकुमार रायले गरेका थिए ।
प्रतियोगिताको उद्घाटन समारोहलाई सम्बोधन गर्दै राईले शारीरिक र मानसिक स्वास्थ्यका लागि खेलकुद अपरिहार्य भएको बताए ।
निष्पक्ष खेल गराउन खेलका रेफ्री तथा कोचहरूलाई कडा निर्देशन दिएका थिए ।
बर्जु गाउँपालिकाकाले विद्यार्थीहरूको शारीरिक, मानसिक तथा क्षमता अभिवृद्धि गर्न विभिन्न योजनाहरू ल्याइरहेको छ ।
सोहीअनुरूप यो खेलको आयोजन गरिएको अध्यक्ष रायले बताए ।
कार्यक्रममा बोल्दै गाउँपालिकाकी उपाध्यक्ष नितुकुमारी चौधरीले विद्यार्थीको लागि शिक्षाजस्तै खेलकुद पनि आवश्यक रहेको बताइन् ।
कार्यक्रममा गउँपालिकाको शिक्षा शाखा प्रविधिक साहायक हेमराज दाहालले पालिकाका सबै विद्यालयका विद्यार्थीहरूले प्रतियोगितामा प्रतिस्पर्धा गर्ने बताए ।
उनले तीन दिनसम्म सञ्चालन हुने प्रतियोगिताका उत्कृष्ट खेलाडीले पालिकास्तरीय प्रतियोगितामा भाग लिने बताए ।
प्रतियोगितामा भलिबल, कबड्डी, दौड, कराँते, तेक्वान्दो, उसु, हाइजम्प लङजम्पलगायतका खेल समावेश गरिएको छ ।
