विराटनगर । मोरङको ग्रामथान गाउँपालिकामा मोटरसाइकल र ट्याक्टर एकआपसमा ठोक्किएर दुर्घटना भएको छ ।
ग्रामथान-१ लखन्तरीस्थित घिनाघाट-विराटचोक सडकखण्डमा बुधबार दिउँसो २ बजेतिर भएको दुर्घटनामा एक जना घाइते भएका छन् ।
लखन्तरीबाट मिलनचौकतर्फ जाँदै गरेको प्रदेश १-०२-००३ त ७४१ न. को ट्रयाक्टरलाई विपरीत दिशाबाट आउँदै गरेको को १० प ६६०७ नम्बरको मोटरसाइकले ठक्कर दिएको थियो ।
जसमा मोटरसाइकल चालक विराटनगर महानगरपालिका-१९ बस्ने अन्दाजी ४२ वर्षीय हसिलाल सरदार सामान्य घाइते भएका छन् ।
उनको आर्या न्युरो अस्पताल विराटनगरमा उपचार भइरहेको छ ।
ट्रयाक्टर चालक मोरङको लेटाङ नगरपालिका बस्ने २३ वर्षीय प्रवेश तामाङ भने फरार छन् ।
ट्रयाक्टर र मोटरसाइकल भने प्रहरी चौकी झोराहाटको नियन्त्रणमा छ ।
