विराटनगर । सुनसरीको दुहबी नगरपालिका-२ पचिरामा सिटी सफारी र मोटरसाइकल ठोक्किँदा एक युवक गम्भीर घाइते भएका छन् ।
तनमुनाबाट दुहबीतर्फ आउँदै गरेको प्र १-०२-०५४ प ३०९८ नम्बरको मोटरसाइकल र विपरीत दिशाबाट जाँदै गरेको प्र १-०२-००४ह ५७२५ नम्बरको सिटी सफारी एक आपसमा ठोक्किएका थिए ।
मंगलबार दिउँसो १ः३० बजेतिर भएको दुर्घटनामा मोटरसाइकल चालक दुहबी-११ बस्ने अन्दाजी २५ वर्षीय अरुण धामी गम्भीर घाइते भएका हुन् ।
उनको विराट नर्सिङ होम विराटनगरमा उपचार भइरहेको छ ।
यसैगरी, सिटी सफारीमा सवार दुहबी-७ बस्ने ६० वर्षीया सुनरी दास विश्वास सामान्य घाइते भई सामुदायिक अस्पताल दुहबीमा उपचार भइरहेको छ ।
मोटरसाइकल, सिटी र सिटी चालक दुहबी-७ बस्ने ६० वर्षकै सिना लाल विश्वास इलाका प्रहरी कार्यालय, दुहबीको
नियन्त्रणमा छन् ।
