झापा । झापाको शिवसताक्षी नगरपालिकामा मंगलबार भएको दुर्घटनामा परी एक युवकको मृत्यु भएको छ ।
शिवशताक्षी- ११ झरना पुलनजिक पूर्वपश्चिम राजमार्गमा पिकअपको ठक्करबाट स्कुटर चालकको मृत्यु भएको हो ।
आज दिउँसो साढे २ बजेतिर पूर्वबाट पश्चिमतर्फ जाँदै गरेको प्र १–०२–००२ च ६४५४ पिकअप र विपरीत तर्फबाट आउँदै गरेको प्र १–०१–०१२ प ३३७१ नम्बरको स्कुटर एकआपसमा ठोक्किएका थिए ।
दुर्घटनामा शिवसताक्षी-९ बस्ने १९ वर्षीय सुजल अधिकारीको मृत्यु भएको हो ।
दुर्घटनामा घाइते भएका अधिकारीलाई उपचारको लागि बिएन्डसी अस्पताल बिर्तामोडमा लैजानसाथ चिकित्सकले मृतक घोषणा गरेको प्रहरीले जनाएको छ ।
ठक्कर दिने पिकअप र चालकलाई इलाका प्रहरी कार्यालय सुरुंगाले नियन्त्रणमा लिएको जिल्ला ट्राफिक प्रहरी कार्यालय झापाले जनाएको छ ।
