विराटनगर । उच्च माध्यमिक शिक्षालय संघ (हिसान) मोरङले आयोजना गरेको खेलसप्ताहअन्तर्गत भलिबलको उपाधि विराटनगरको कान्तिपुर कलेज र रेड स्टार कलेजले जितेका छन् ।
मंगलबार भएको भलिबलको छात्रर्फको फाइनल खेलमा कान्तिपुर कलेजले रेड स्टार कलेजलाई २५–१४, २५–१४ र २५–९ को सोझो सेटले पराजित गरी उपाधि जितेको हो ।
प्लेयर अफ फाइनल कान्तिपुरका सुदीप राई घोषित भए ।
त्यसैगरी, छात्रातर्फको फाइनलमा रेडस्टार कलेजले मोडर्न एरा कलेजलाई २५–२३ र २५–२२ को सोझो सेटले पराजित गरी उपाधि जितेको छ ।
यस प्लेयर अफ द फाइनल रेड स्टारकी स्मृती राई घोषित भइन् ।
यसैगरी, आजै भएको बास्केटबलको फाइनल खेलमा विकेभिएम कलेजले शिक्षादीप कलेजलाई ३७–९ को अन्तरले पराजित गर्दै उपाधि जित्यो ।
प्लेयर अफ फाइनल विकेभिएमका आकाश यादव घोषित भए ।
मंगलबार भएको क्रिकेट खेलमा विजयी हुँदै ग्रिनल्याण्ड फाइनलमा प्रवेश गरेको छ ।
त्यस्तै, बास्केटबलको उपाधि विकेभिएम कलेजले जित्दा भलिबलको उपाधि कान्तिपुर र रेड स्टारले जित हात पारेको छ ।
वैजनाथपुर क्रिकेट मैदानमा भएको अन्तिम सेमिफाइनल खेलमा दुई वर्षपछि हिसान खेलेको ग्रिनल्याण्ड कलेजले विकेभिएम कलेजलाई ५६ रनले पराजित गर्दै फानलमा प्रवेश गरेको छ ।
अब फाइनलमा ग्रिनल्याण्डले गत संस्करणको उपविजेता अरनिको कलेजसँग बुधबार प्रतिस्पर्धा गर्ने छ ।
टस जितेर ब्याटिङ गरेको ग्रिनल्याण्डले निर्धारित २० ओभरमा ८ विकेट गुमाई १ सय १७ रन बनाएको थियो ।
ग्रिनल्याण्डका सन्जिव शर्माले ३६ रन बनाउँदा रजनिस यादवले २४ रन, गणेश यादवले २१ रन र कृष्ण सहनीले ११ रनको योगदान दिए ।
विकेभिएमका आकाश चौधरीले ३ विकेट लिँदा आदित्य प्रसाई पनि ३ विकेट लिए ।
जवाफमा १ सय १८ रनको चुनौती पाएको विकेभिएमले १५ होभरमा सबै विकेट गुमाई ६१ रनमा सीमित भयो ।
विकेभिएमका अमन शर्माले १४ रर जोड्दा सचिन्द्र यादवले १३ रन जोडे ।
ग्रिनल्याण्डका प्लेयर अफ म्याच गौरीशैकर माझीले ४ ओभरमा १६ रन दिएर ६ विकेट लिँदा फैजल अन्सारीले २ विकेट लिए ।
