विराटनगर । उच्च माध्यमिक शिक्षालय संघ (हिसान) मोरङले आयोजना गरेको खेलसप्ताहअन्तर्गत ग्रिनल्यान्डले कबड्डीको उपाधि जितेको छ ।
सोमबार सम्पन्न कबड्डीको फाइनल खेलमा ग्रिनल्यान्ड कलेजले कान्तिपुर कलेजलाई हराउँदै उपाधि जितेको हो ।
दुई वर्षपछि हिसान खेलमा सहभागी बनेको ग्रिनल्यान्डले कान्तिपुर कलेजलाई ३६–२६ को स्कोरले पराजित गर्दै उपाधि जितेको हो ।
त्यस्तै शिक्षादीप कलेजले तेस्रो स्थान हात पारेको छ ।
यसैगरी छात्र फुटबलमा कान्तिपुर र रेडस्टार कलेज विजयी भई फानलमा प्रवेश गरेका छन् ।
पहिलो खेलमा कान्तिपुर कलेजले ग्यालेक्सि कलेजलाई पेनाल्टि सुटआउटमा ३–० को गोल अन्तरले पराजित गरेको छ ।
निर्धारित समयमा दुवै टोलीले १–१ गोलको बराबरीमा खेल खेलेपछि खेलको निणर्य पेनाल्टी सुट आउटबाट भएको हो । खेलको प्लेयर अफ द म्याच कान्तिपुरका जीवन चौधरी घोषित भए ।
दोस्रो खेलमा रेडस्टार कलेजले सेन्ट जोसेफ कलेजलाई ३–१ को गोलान्तरले पराजित गरेको छ ।
रेटस्टारको जितमा प्लेयर अफ द म्याच सोनम गुरुङले २ गोल र छोसाङ गुरुङले १ गरे । उता सेन्ट जोसेफका गिरिस कार्कीले १ गोल गरे ।
छात्रा फुटबलमा रेड स्टार कलेजले शिक्षादिप कलेजलाई ४–० को गोल अन्तरले पराजित गरेको छ । रेड स्टारको जितमा प्लेयर अफ द म्याच स्मृती राईले २ गोल तथा आशिका लिम्बु र एन्जिला राईले १–१ गोल गरिन् ।
सोमबारनै वैजनाथपुर क्रिकेट मैदानमा क्रिकेट खेलमा विकेभिएम र अरनिको कलेज विजयी भई सेमिफानलमा प्रवेश गरेको छ ।
पहिलो खेलमा विकेभिएम कलेजले नमुना विद्या मन्दिरलाई ८ विकेट पराजित गरि सेमिफानलमा प्रवेश गरेको छ ।
टस जितेर ब्याटिङ गरेको नमुनाले निर्धारित २० ओभरको खेलमा ६ ओभरमा सवै विकेट गुमाई ३१ रन बनाएको थियो ।
नमुनाका कुनै पनि ब्याटरले दोहोरा अंकलाई छुन सकेनन् । विकेभिएमका प्लेयर अफ म्याच शिवम यादवले ह्याट्रिकसहित ४ विकेट लिँदा आकाश चौधरीले पनि ४ विकेट लिए ।
जवाफमा ३२ रनको झिनो चुनौती पाएको विकेभिएमले ३ दहमलव १ बलमा २ विकेट गुमाई लक्ष पार गरेको थियो ।
विकेभिएमका आकाश चौधरीले ९ रनको योगदान दिए । कान्तिपुरका रामरतन यादवले १ विकेट लिए ।
दोस्रो खेलमा मेरिल्याण्ड कलेजलाई साविक उपविजेता अरनिको कलेजले ९ विकेटले पराजित गर्दै लगातार दोस्रो पटक फाइनलमा प्रवेश गरेको हो ।
टस जितेर ब्याटिङ गरेको मेरिल्याण्डले निर्धारित २० ओभरको खेलमा १३ दशमलव ३ बलमा सवै विकेट गुमाई २८ रनमा सिमित भयो ।
मेरिल्याण्डका कुनै पनि ब्याटरले दोहोरा अंकलाई छुन सकेनन् । अरनिकोका प्लेयर अफ म्याच अमर यादवले ४ विकेट लिए ।
जवाफमा २९ रनको चुनौती पाएको अरनिकोले ४ दशमलव ५ बलमा १ विकेट गुमाई सो विजयी लक्ष पार गरेको थियो ।
अरनिकोका अमन यादवले सर्वाधिक अविजित ११ रनको योगदान दिए ।
सोमबार भएको बास्केटबलको सेमिफाइन खेलमा शिक्षादिप कलेजले अरनिको कलेजलाई २४–२१ को अन्तरले पराजित गरेको छ ।
खेलको प्लेयर अफ म्याच शिक्षादिपका यूविन मगर घोषित भए ।
भलिबलको छात्रर्फ पहिलो खेलमा रेड स्टार कलेजले अर्किड कलेजलाई २–० को सेटले पराजित गरि फानलमा प्रवेश गरेको छ ।
छात्रातर्फ रेडस्मटा कलेजले शिक्षदिप कलेजलाई २–० को सोझो सेटले पराजित गरि फानलमा प्रवेश गरेको छ । खेलको प्लेयर अफ द म्याच रेड स्टारककी आश्मा राई घोषित भइन् ।
