विराटनगर । मोरङको विराटनगर महानगरपालिका-८ नेपाल राष्ट्र बैंकनजिक दुई मोटरसाइकल एकआपसमा ठोक्किँदा एक जना घाइते भएका छन् ।
बिहीबार राति अन्दाजी ११:३० बजेतिर पूर्वबाट पश्चिमतर्फ आउँदै गरेको प्र.१-०२-०५२प ८७२३ नम्बरको मोटरसाइकल र
दक्षिणबाट उत्तरतर्फ आउँदै गरेको को२७प ३९३९ नम्बरको मोटरसाइकल एकआपसमा ठक्कर खाएका थिए ।
उक्त दुर्घटनामा ३९३९ नम्बरको मोटरसाइकल चालक विराटनगर-१० का ३७ वर्षीय काजीबाबु बस्नेत घाइते भएका छन्
उनलाई उपचारको लागि विराट नर्सिङ होम, विराटनगरतर्फ पठाइएको छ । दुवै मोटरसाइकल वडा प्रहरी कार्यालय, हाटखोलाको नियन्त्रणमा रहेका छन् ।
यसैगरी ८७२३ नम्बरको मोटरसाइकल चालक सुन्दरहरैंचा नगरपालिका-११ घर भई हाल विराटनगर महानगरपालिका-८ बस्ने २१ वर्षीय नवीन चौधरी जिल्ला प्रहरी कार्यालय मोरङको नियन्त्रणमा छन् ।
दुर्घटनाको कारण भने मादक पदार्थ सेवन रहेको खुलेको छ । ८७२३ को चालक चौधरीले मादक पदार्थ सेवन गरी मोटरसाइकल हुइँक्याउँदा दुर्घटना भएको प्रहरीको प्रारम्भिक अनुसन्धानमा उल्लेख छ ।
