विराटनगर । धरानमा एक युवकमाथि खुकुरी प्रहार भएको छ ।
धरान उपमहानगरपालिका १५ सदन रोड बस्ने २१ वर्षीय रिजन राईलाई धारिलो हतियार खुकुरी प्रहार गरी गम्भीर घाइते बनाएको अभियोगमा प्रहरीले एक युवतीसहित पाँच जनालाई पक्राउ गरी सार्वजनिक गरेको हो ।
पक्राउ पर्नेहरूमा धरान १३ का १८ वर्षीय उत्सव मगर, सोही ठाउँकी २१ वर्षीया विश्रान्ती मगर, धरान ८ का २२ वर्षीय रोमन गुरुङ, सोही ठाउँका १७ वर्षीय प्रस्थान राई, र धरान ५ का २१ वर्षीय सुदीप तामाङ रहेका छन् ।
गत शनिबार बिहान राईलाई खुकुरी प्रहार गरी घाइते भएर बाटोमा लडिरहेको अवस्थामा देखेपछि स्थानीयहरूले प्रहरीलाई खबर गरेका थिए ।
