विराटनगर । सुनसरीको भोक्राहानरसिंह गाउँपालिकामा बसले अटो र सफारीलाई ठक्कर दिँदा तीन जना घाइते भएका छन् ।
आइतबार बिहान ७:१५ बजेतिर भोक्राहानरसिंह-४ स्थित पूर्व-पश्चिम राजमार्गमा पश्चिमबाट पूर्वतर्फ जाँदै गरेको प्र १-०२-००२ ख ७४०९ नम्बरको बसले अटो र सफारीलाई ठक्कर दिएको थियो ।
बसले विपरीत दिशाबाट आउँदै गरेको प्र १-०२-००२ स २९०६ नम्बरको मालबाहक अटोलाई ठक्कर दिई पश्चिमबाट पूर्वतर्फ जाँदै गरेको अन टेस्ट सिटीसफारीसमेतलाई पछाडिबाट ठक्कर दिएको थियो ।
जसमा सिटी सफारी चालक इनरुवा नगरपालिका-२ बस्ने २२ वर्षीय शेखर सुजन कर्ण, सिटीमा सवार हरिनगर गाउँपालिका-४ बस्ने २५ वर्षीय जवेद मियाँ सामान्य घाइते भएका हुन् ।
यसैगरी अटो चालक इनरुवा-४ बस्ने ५० वर्षीय रामविनोद मण्डलसमेत सामान्य घाइते भएका छन् ।
बस चालक उदयपुरको चौदन्डी नगरपालिका-१२ का २७ वर्षीय दुर्गाबहादुर परियार र बस जिल्ला प्रहरी कार्यालय सुनसरीको नियन्त्रणमा रहेका छन् ।
