विराटनगर । विराटनगरमा मोटरसाइकलको ठक्करबाट एक महिलासहित दुई जना घाइते भएका छन् ।
विराटनगर महानगरपालिका-४ मनास्लु होटल अगाडि कोशी लोकमार्गमा दक्षिणबाट उत्तरतर्फ जाँदै गरेको को२१प ६८२४ नम्बरको मोटरसाइकलले बाटो क्रस गर्दै गरेको साइकलयात्रीलाई ठक्कर दिएको थियो ।
आइतबार साँझ ६:३० बजेतिर भएको उक्त दुर्घटनामा चितवन घर भई हाल विराटनगर-२ घर बताउने ४५ वर्षीया मिरु मगरको टाउकोमा चोट लागेको छ ।
उपचारको लागि लाईफगार्ड अस्पताल विराटनगर पठाइएकी उनको अवस्था गम्भीर रहेको प्रहरीले जानकारी दिएको छ ।
दुर्घटनामा मोटरसाइकलको पछाडि सवार उर्लाबारी नगरपालिका-७ बस्ने २१ वर्षीय शिशिर पराजुलीको दाहिने हातमा सामान्य चोट लागेको छ ।
साइकल, मोटरसाइकल र मोटरसाइकल चालक सुनसरीको इटहरी उपमहानगरपालिका-२ बस्ने ४२ वर्षीय विजय कोइराला प्रहरी चौकी बरगाछीको नियन्त्रणमा रहेका छन् ।
