विराटनगर । भारतीय योग गुरु तथा पतञ्जली योग पीठका संस्थापक रामदेव र आचार्य बालकृष्णविरूद्ध पक्राउ पुर्जी जारी भएको छ ।
केरला औषधि नियन्त्रण विभागले रामदेव र आचार्य बालकृष्णविरुद्ध औषधि ऐन आकर्षित गर्दै पक्राउ पुर्जी जारी गरेको भारतीय सञ्चारमाध्यमले जनाएका छन् ।
अदालतले बाबा रामदेवलाई पेशीको लागि बोलाए पनि उपस्थित नभएका कारण पक्राउ पुर्जी जारी गरेको हो ।
अदालतले यस्तो उल्लंघनलाई गम्भीर रूपमा लिएको बताइएको छ ।
केरला औषधि नियन्त्रण विभागले दायर गरेको यो मुद्दामा औषधि र जादुमय उपचार (अपत्तिजनक विज्ञापन) ऐन, १९५४ उल्लंघन गरेको आरोप लगाइएको छ ।
उनीहरूमाथि पतञ्जलीको भ्रामक विज्ञापन गरेको कसुर छ ।
