तम्घास । गुल्मीको रेसुंगा नगरपालिकाले अब कुकुर पाल्नका लागि स्वीकृति अनिवार्य गरेको छ ।
सदरमुकाम तम्घासमा कुकुरले हैरान बनाएपछि कुकुर पाल्नका लागि नगरपालिकाको स्वीकृति अनिवार्य गरेको हो ।
रेसुंगा नगरपालिकाका प्रमुख प्रशासकीय अधिकृत बाबुराम पल्लीका अनुसार घरपालुवा कुकुरका लागि नगरमा अनिवार्य दर्ता हुनुपर्ने गरी कार्यविधि निर्माण गर्न लागेको बताए ।
घरपालुवा कुकुरका लागि नगरपालिकामा अनिवार्य दर्ता गर्नुपर्ने र सामुदायिक अर्थात् भुस्याहा कुकुरको व्यवस्थापनका लागि बन्ध्याकरणका साथै रेबिज खोप लगाउने गरी तयारी गरेको उनको भनाइ छ ।
नगरभित्रका नागरिकबाट गुनासो आएका कारण कुकुर व्यवस्थापन गर्नका लागि अनिवार्य देखिएकाले सरोकारवालासँग पनि छलफल गरिएको उनले बताए ।
