विराटनगर । कैलालीमा १८ वर्षीया युवतीमाथि पटक-पटक बलात्कार गरेको अरोपमा एक पुरुष पक्राउ परेका छन् ।
प्रहरीले गौरीगंगा नगरपालिका—६ बनबेहडाका २७ वर्षीया हरीराम चौधरीलाई आइतबार पक्राउ गरेको हो ।
आरोपितले ०८१ असार २१ गते जंगलमा लगेर पटकपटक बलात्कार गरेको पीडितको आरोप छ ।
घटनाबारे कसैलाई जानकारी गराए युवतीलाई मार्ने धम्की दिएका कारणे ढिलो जानकारी पाएको पीडितकी आमाले बताएकी छन् ।
घटनाका बारेमा जानकारी पाएपछि आरोपितविरुद्ध आइतबार नै जिल्ला प्रहरी कार्यालय, कैलालीमा उजुरी दिइएको छ ।
पीडित पक्षको उजुरीका आधारमा आरोपितलाई आइतबार नै बनबेहडाबाट पक्राउ गरी अनुन्धान भइरहेको जिल्ला प्रहरी कार्यलय, कैलालीका डीएसपी कविन्द्रसिंह बोहराले बताए ।
पीडितको स्वास्थ्य परीक्षण सोमबार सेती प्रादेशिक अस्पताल, धनगढीमा गरिएको छ ।
