विराटनगर । मोरङको सुन्दरहरैंचा नगरपालिकामा हात्तीको आक्रमणबाट वृद्धाको मृत्यु भएको छ ।
हात्तीको आक्रमणबाट सुन्दरहरैंचा-५ डिपुकी ६० वर्षीया चन्द्रकला लिम्बुको मृत्यु भएको प्रहरीले जनाएको छ ।
सुन्दरहरैंचा-५ का वडाध्यक्ष गणेश चौधरीका अनुसार चन्द्रकला सोमबार घाँस-दाउराका लागि जंगल गएकी थिइन् ।
साँझसम्म घर नआएकी चन्द्रकलालाई मंगलबार बिहान ६ बजेतिर स्थानीयले खोल्सीको किनारमा मृतावस्थामा भेटेका थिए ।
इलाका प्रहरी कार्यालय बेलबारीका प्रहरी निरीक्षक कृष्ण खत्रीले लिम्बूको शव उठाएर पोस्टमार्टमका लागि अस्पताल पठाउन लागिएको बताए ।
यससँगै यस महिनामा मोरङको सुन्दरहरैंचामा हात्तीको आक्रमणबाट मृत्यु हुनेको संख्या दुई पुगेको छ ।
यसअघि पुस ५ गते सुन्दरहरैंचा-७ कि ४० वर्षीया गंगामाया मगर( श्रेष्ठ)को हात्तीको आक्रमणबाट मृत्यु भएको थियो ।
