विराटनगर । सनुसरीको इटहरी उपनगरपालिकाकाे कार्यालय अगाडिको घुम्ती पसल र बुढीखोला पुलमा भेटिएको शंकास्पद वस्तु कुकर रहेको पुष्टि भएको छ ।
इटहरी उपमहानगरअघि आज (मंगलबार) बिहान फेला परेको शंकास्पद वस्तु कुकर रहेको पुष्टि भएको हो ।
नेपाली सेनाको काली शक्ति गणबाट आएको बम डिस्पोजल टोलीले डिस्पोज गर्ने क्रममा शंकास्पद वस्तु कुकर रहेको प्रहरीले जनाएको छ ।
उक्त कुकरभित्र राष्ट्रिय सुरक्षा दल लेखिएको पर्चा भेटिएको छ ।
‘कुकरभित्र राष्ट्रिय सुरक्षा दल भनेर लेखिएको पर्चा फेला परेको छ,’ घटनास्थलमा रहेका एक प्रहरी अधिकृतले भने, ‘बम राखेको भन्दै प्रहरीलाई म्यासेज आएपछि विशेष सावधानी अपनाएका छौँ ।’
आज बिहानै शंकास्पद वस्तु फेला परेपछि निस्क्रिय गर्न भन्दै नेपाली सेनाको टोली घटनास्थल आएको थियो ।
जिल्ला प्रहरी कार्यालय सुनसरीका प्रहरी उपरीक्षक सुमन तिम्सिनाका अनुसार उक्त शंकास्पद वस्तु कुकर रहेको पुष्टि भएको हो ।
