फाइल तस्बिर विराटनगर । मोरङको बूढीगंगा गाउँपालिका-५ रेशमा होटल अगाडि गएराति मोटरसाइकल दुर्घटना हुँदा दुई जना घाइते भएका छन् ।
बिहीबार राति अन्दाजी ११:५० बजेतिर कोशी लोकमार्गमा नेमुवाबाट दुहबीतर्फ जाँदै गरेको को ३२ प ३८१६ नम्बरको मोटरसाइकल आफैं अनियन्त्रित भई दुर्घटना भएको थियो ।
जसमा मोटरसाइकल चालक सुनसरीको दुहबी नगरपालिका-६ बस्ने अन्दाजी ३२ वर्षीय सुरज पासवानको टाउको र
दायाँ हातमा चोटलागेको छ ।
यस्तै, मोटरसाइकलको पछाडि सवार अन्दाजी ३२ वर्षीय मनोज गोश्वामीको टाउको र बाँया हातमा चोट लागेको छ ।
दुवै जना घाइतेको विराट टिचिङ अस्पताल गंगा चोकमा उपचार भइरहेको छ । दुवै जनाको अवस्था सामान्य रहेको प्रहरीले जनाएको छ ।
दुर्घटनामा परेको मोटरसाइकल भने इलाका प्रहरी कार्यालय, नेमुवाको नियन्त्रणमा छ ।
प्रहरीका अनुसार मोटरसाइकल चालकसँग सवारी चालक अनुमतिपत्र साथमा थिएन ।
मादक पदार्थ सेवन गरे-नगरेको नखुलेको भए पनि मोटरसाइकल तीव्र गतिमा हुइँक्याउँदा दुर्घटना भएको प्रहरीको प्रारम्भिक अनुसन्धानले देखाएको छ ।
