धनकुटा । संघीय सासंद तथा पूर्व स्वास्थ्य राज्यमन्त्री तोसिमा कार्कीले बुधबार धनकुटा जिल्ला अस्पतालको अवलोकन भ्रमण गरेकी छन् ।
भ्रमणका क्रममा राज्यमन्त्री कार्कीले अस्पताल प्रमुख मेडिकल सुपरिटेण्डेन्ट डा. अमिताभ ठाकुरसँग अस्पतालको वर्तमान अवस्थाबारे विस्तृत छलफल गरेको जिल्ला अस्पताल धनकुटाले जनाएको छ ।
सोही अवसर पारेर अस्पताल प्रमुख ठाकुरले राज्यमन्त्री कार्कीसँग अस्पतालमा भएको दरबन्दी, रक्त सञ्चार केन्द्र र स्वास्थ्य बीमाको हालको स्थितिबारे जानकारी गराएको डा. ठाकुरले जानकारी दिए ।
मन्त्री कार्कीले स्वास्थ्य बीमा कार्यक्रमबाट कुनै पनि नागरिक वञ्चित हुन नपाउने गरी सेवा प्रवाह गर्न अस्पताल प्रशासनलाई सुझाव दिइन् ।
भ्रमणकै क्रममा मन्त्री कार्कीले अस्पतालमा उपचाररत बिरामीसँग भेटघाट गरी उनीहरूको स्वास्थ्य अवस्थाबारे जानकारी लिएको अस्पतालले जनाएको छ ।
