विराटनगर । मोरङ जहदा गाउँपालिकामा-२२ वर्षीया युवतीमाथि जबर्जस्ती करणी भएको छ ।
मंगलबार बिहान मर्निङवाकमा निस्केकी उनी अचेत अवस्थामा फेला परेकी थिइन् । पीडित युवतीको हाल विराटनगरको कोशी अस्पतालमा उपचार भइरहेको प्रहरीले जनाएको छ ।
मोरङ प्रहरी प्रवक्ता प्रहरी नायब उपरीक्षक बेदप्रकाश जोशीका अनुसार हाल उपचाररत युवतीको अवस्था सुधारोन्मुख छ ।
‘बालिकाको अवस्थामा सुधार भइरहेको छ,’ डिएसपी जोशीले शब्द एक्सप्रेससँग भने, ‘केही क्लु पाएका छौं । सोहीअनुरूप अनुसन्धान गर्नेछौं ।’
आज बिहान अचेत अवस्थामा भेटिएकी उनलाई घरपरिवारलाई भनेपछि प्रहरीलाई खबर गरेर कोशी अस्पताल विराटनगरमा भर्ना गरिएको थियो ।
उनलाई बाँस झ्याङमा कसैले नदेख्ने स्थानमा लगेर हातखुट्टा बाँधेर मुखमा पट्टी लगाएपछि जर्बरजस्ती बलात्कार गरिएको हुनसक्ने परिवारको अनुमान छ ।
