विराटनगर । पूर्वराजा स्वर्गीय वीरेन्द्र शाहका ज्वाइँ गोरख राणा स्टान्डर्ड चाटर्ड बैंक नेपालको प्रमुख कार्यकारी अधिकृतमा नियुक्त भएका छन् ।
स्टान्डर्ड चाटर्ड बैंकको सिइओ बन्ने राणा नै पहिलो नेपाली हुन् ।
बैंकको सोमबार साँझ ५ बजे बसेको सञ्चालक समितिको बैठकले डेपुटी सिइओ रहँदै आएका गोरख राणालाई बैंकको प्रमुख कार्यकारी अधिकृतमा नियुक्त गरेको हो ।
यसअघि बैंकको सिइओमा विदेशी बैंकर अनिर्भान घोष दस्तिदार थिए । उनको कार्यकाल सकिएसँगै राणालाई सिइओमा नियुक्त गरिएको हो ।
राणालाई १ जनवरीबाट लागुहुने गरी ४ बर्षे कार्यकालका लागि सिइओमा नियुक्त भएका हुन् ।
बैकिङ करियर नै स्टान्डर्ड चार्टडबाट सुरु गरेका उनी नेपालमा सो बैंक स्थापना कालबाटै उनी कार्यरत छन् ।
उनले सन् १९९६ देखी नै बैंकको विभिन्न विभाग सम्हाल्दै आएका थिए ।
अमेरिकाबाट एमबिए उत्तीर्ण गरेका राणा स्वर्गीय पूर्वराजा वीरेन्द्र शाहका ज्वाइँ हुन् । अर्थात उनी पूर्वराजकुमारी श्रुतीका श्रीमान् हुन् ।
