विराटनगर । मोरङको विराटनगर महानगरपालिका-७ हाटखोलामा ट्रकको ठक्करबाट एक युवकको मृत्यु भएको छ ।
मृत्यु हुनेमा मोरङको कानेपोखरी गाउँपालिका घर भएका अन्दाजी २६ वर्षीय मानबहादुर लिम्बु रहेका छन् ।
आइतबार दिउँसो विराटनगरबाट रंगेलीतर्फ जाँदै गरेको को १ ख ३४८० नम्बरको ट्रकले उनलाई ठक्कर दिएको थियो ।
हाटखोला बसपार्कनजिकै बाटो क्रस गर्दै गरेका बेला ट्रकले ठक्कर दिँदा उनी गम्भीर घाइते भएका थिए ।
उपचारका लागि कोशी अस्पताल पुर्याउनासाथ दिउँसो ४ः३५ बजेतिर उनलाई चिकित्सकले मृत घोषित गरिदिएका हुन् ।
दुर्घटनलगत्तै फरार भएका ट्रक चालकको खोजी थालेको प्रहरीले ट्रकलाई नियन्त्रणमा लिएर घटनाको अनुसन्धान थालेको छ ।
